Saturday, August 6, 2016
ဒီလိုယောက်ျားမျိုးတွေက ဆွဲဆောင်မှုမရှိဘူး..
ဒီလိုယောက်ျားမျိုးတွေက ဆွဲဆောင်မှုမရှိဘူး..
=======================
မိန်းကလေးတွေရဲ့ စိတ်ထဲမှာ ဆွဲဆောင်မှုမရှိဘူးလို့ ယူဆနိုင်တဲ့ ယောက်ျားလေးတွေရဲ့ အပြုအမူတစ်ချို့ရှိပါတယ်။
ဒီလိုအပြုအမူလေးတွေကို သတိပြုပြီးရှောင်နိုင်ဖို့ ဖော်ပြပေးလိုက်ရပါတယ်။
.
(၁) ဆရာကြီးအထာဖမ်းလွန်းခြင်း
ယောက်ျားတွေရဲ့ ပင်ကိုစရိုက်အရ ကိုယ်ရည်သွေးရတာကို သဘောကျပါတယ်။ ကိုယ့်ကိုယ်ကို ယောက်ျားဆန်တဲ့သူ ပုံပေါက်အောင်နေရင်း
မိန်းကလေးတွေရဲ့ အားကိုးတကြီးဖြစ်တာကို ခံယူတတ်ပါတယ်။ ဒါပေမယ့် တစ်ခါတစ်လေ အပြုအမူတွေလွန်သွားတဲ့အခါမှာတော့ ဆရာကြီးပုံစံပေါက်အောင်
နေသလိုမျိုး ဖြစ်သွားတတ်ပါတယ်။
.
(၂) ရိုင်းပြခြင်း
တစ်ချို့ယောက်ျားလေးတွေက ယောက်ျားဆန်တာရယ်၊ ပွင့်လင်းတာရယ်၊ ရိုင်းပြတာရယ်ကို မကွဲပြားပါဘူး။ လူငယ်ဆန်ဆန်ပြောဆိုတတ်တာ
ကိစ္စမရှိပေမယ့် ရိုင်းပြတဲ့အပြုအမူ၊ အပြောအဆိုမျိုးတွေက ယောက်ျားတစ်ယောက်ရဲ့ ဆွဲဆောင်မှုကို ထိခိုက်စေပါတယ်။ လူငယ်ဆန်တာရယ်၊ ရိုင်းပြတာရယ်က
အကွာကြီးကွာပါတယ်။
.
(၃) ကိုယ့်ကိုယ်ကို အထင်ကြီးလွန်းခြင်း
ယောက်ျားတစ်ယောက်ဟာ ကိုယ့်ကိုယ်ကို ယုံကြည်မှုရှိဖို့လိုပါတယ်။ ဒါပေမယ့် ဒီလိုယုံကြည်မှုရှိခြင်းဟာ လွန်ကဲသွားတဲ့အခါမှာတော့
ကိုယ့်ကိုယ်ကို အထင်ကြီးတဲ့အဆင့်အထိ ရောက်သွားပါတော့တယ်။ ကိုယ့်ကိုယ်ကို အထင်ကြီးပြီး မိန်းကလေးတွေကို အထင်သေးတတ်တဲ့ယောက်ျားမျိုးတွေကို
မိန်းကလေးတွေက မနှစ်သက်ပါဘူး။ ကိုယ့်ကိုယ်ကိုအထင်ကြီးတိုင်းလည်း အားကိုးချင်စရာ မကောင်းပါဘူး။
.
(၄) အရက်သောက်လွန်းခြင်း၊ အပျော်အပါးမက်ခြင်း
ယောက်ျားတစ်ယောက် အရက်သောက်တတ်တာ အပြစ်ကြီးကြီးမဟုတ်ပါဘူး။ ဒါပေမယ့် နေ့စဉ်ရက်ဆက်ဆိုသလို အရက်တွေသောက်ပြီး
ပျော်ပါးမူးယစ်နေမယ်ဆိုရင် ဘယ်မိန်းကလေးမှ မကြိုက်တော့ပါဘူး။
.
(၅) Game စွဲလန်းခြင်း
အထူးသဖြင့် လူငယ်ယောက်ျားလေးတွေမှာ ဖြစ်တတ်ပါတယ်။ Game ဆော့တတ်တာ ကိစ္စမရှိပေမယ့် စွဲလန်းစွာကစားတတ်တာမျိုးဆိုရင်တော့
မိန်းကလေးတွေ သဘောမကျတတ်ပါဘူး။ ဒါဟာ ကိုယ့်ရဲ့ဆွဲဆောင်မှုကို လျော့ကျစေတဲ့ အပြုအမူတွေထဲမှာ ပါပါတယ်။
.
(၆) ဘဝရည်မှန်းချက်မရှိခြင်း
ဒီအချက်ဟာ အရမ်းအရေးကြီးပါတယ်။ ရည်မှန်းချက်မရှိတဲ့ ယောက်ျားတစ်ယောက်ဟာ တန်ဖိုးရှိတဲ့ မိန်းကလေးတစ်ယောက်ကို ဘယ်လိုမှ မဆွဲဆောင်နိုင်ပါဘူး။
ယောက်ျားတစ်ယောက်ရဲ့ ဘဝလမ်းကြောင်းဟာ သူ့အတွက်သာမကဘဲ သူတည်ဆောက်ရမယ့် မိသားစုဘဝအတွက်ပါ သက်ရောက်မှုရှိပါတယ်။
.
(၇) မိန်းမတကာကို ပိုးပန်းခြင်း
ဟိုကောင်မလေးကိုတွေ့လည်း သဘောကျတယ်။ ဒီကောင်မလေးကိုတွေ့လည်း သဘောကျတယ်ဆိုရင် ဒီလိုယောက်ျားမျိုးကို တော်ရုံတန်ရုံဘယ်မိန်းကလေးမှ
စိတ်မဝင်စားတော့ပါဘူး။
.
ဒီအချက်တွေက ဆွဲဆောင်မှုမရှိတဲ့ အဓိကအချက်တွေလို့ ပြောလို့ရပါတယ်။ ဒီ့အပြင် သမီးရည်းစားတွေဖြစ်သွားကြတဲ့အခါမှာလည်း သတိထားရမယ့် အချက်လေးတွေရှိတတ်ပါတယ်။
ဥပမာ - မိန်းကလေးနဲ့အပြိုင် အနိုင်လိုခြင်း၊ နားလည်မှု ကင်းမဲ့ခြင်း၊ ပြဿနာရှာလွန်းခြင်းတွေကလည်း မိန်းကလေးတွေ သဘောမကျတဲ့အချက်တွေထဲမှာ ပါပါတယ်။
××××××××
သားရိုး (Focus Youth)
Ref: LH
Subscribe to:
Post Comments (Atom)
No comments:
Post a Comment